David é músico, actor e guionista. Formouse na escola Casa Hamlet da Coruña e logo con lendas da comedia como Leo Bassi. Participou en diferentes programas da Televisión de Galicia como Land Rober, Catro Gatos ou Malicia Noticias e en No le digas a mamá que salgo en la tele ou La noche D en Televisión Española.
Como cómico saltou á fama cos seus personaxes que retrataban os diferentes estereotipos da Coruña e nos seus monólogos directos e sen concesións.
Xunto con Xosé A. Touriñán acadou un enorme éxito de público coas súas conversas a través de Instagram durante o confinamento de 2020. Ditas conversas convertéronse máis tarde en Corentena, un espectáculo co que encheron os teatros galegos.
