Andrés Mahía

Andrés Mahía (A Coruña, 1964) é actor, director e guionista de obras de ficción e teatro.

Con formación en xornalismo, a súa traxectoria profesional transcorre no terreo da creación audiovisual. Comeza traballando como guionista para varios programas da TVG como Vivir aquí ou Meigas fóra. No ano 1997 funda xunto a Carlos Ares e Xosé Castro a produtora Zopilote, dende a que deseña, escribe e desenvolve formatos e contidos de ficción. Entre as súas creacións máis exitosas atópanse as series Mareas Vivas (1998), Terra de Miranda (2001), Air Galicia (2007) e Era visto! (2011).

A experiencia de Mahía únese coa labor de Undodez na dirección e a escrita do guión da serie infantil para a TVG Bechos (2023) e no proxecto transmedia Xeosónica (2023).

Nas táboas, debutou como guionista e intérprete coa obra O refuxiado, estreada a inicios do 2023.