Monologuistas

Actor e cómico, como monologuista destaca o seu humor teatral e a súa capacidade para escenificar os detalles das súas historias. É tamén profesor de improvisación, presentador e guionista de teatro e televisión.

Cunha ampla traxectoria na escena teatral, esta actriz e monologuista é unha das raíñas da improvisación en Galicia, participando en diversos shows de Improscenia e fundando o dúo cómico Izquierdo Sisters.

Actriz e monologuista, tamén é presentadora de televisión, converténdose nunha das caras máis coñecidas da TVG con Malicia Noticias. A nivel nacional triunfa coa serie Rapa. Destaca a súa faceta na improvisación coas Izquierdo Sisters.

Formada en interpretación, voz e violín, conta cunha ampla traxectoria como actriz en teatro, cine e televisión, onde foi unha das caras máis coñecidas da serie Pazo de Familia. Agora complementa a súa faceta como actriz somerxéndose no mundo dos monólogos cómicos.

É un dos humoristas con máis quilómetros feitos por Galicia, con actuacións en directo sobre todo tipo de escenarios: galas, auditorios, bares… Ademais de monologuista, Pepo Suevos tamén é actor de televisión e cine.

O seu instinto cómico permaneceu oculto no ámbito doméstico ata que gañou o concurso televisivo de O Rei da Comedia. Co seu falar rápido e nervioso, converteuse nun monologuista indispensable, dos que converte momentos cotiáns en anécdotas para escachar de risa.

Humor, sátira, ironía e rock and roll son os sinais de identidade deste monologuista cun irreverente e particular xeito de facer comedia. Ademais da de cómico, outras facetas de David Perdomo son as de músico e presentador de televisión.

Actor, director, guionista e un dos monologuistas máis recoñecidos do país. Foi o primeiro presentador de El Club de la Comedia e dende entón non deixou de actuar en teatro, televisión e cine, mantendo sempre a súa faceta como humorista

Actor, guionista e monologuista, Federico Pérez é un dos rostros máis coñecidos da televisión galega participando nalgunhas das series máis icónicas como Padre Casares ou Mareas Vivas. A súa presenza en filmes e series aportoulle diferentes premios e ver unha faceta máis dramática, mais a comedia segue a ser a súa principal arma.

Actor, comico e imitador, Roi da Costa leva desde o ano 2011 facendonos rir na tele, na radio e sobre os escenarios de todo o país. No ano 2022 foi elixido entre os mellores imitadores de España. Os seus espectáculos combinan o stand up coa imitación e as rutinas de impro.

Actor e humorista cunha ampla traxectoria na comedia galega, consolidouse como un dos intérpretes máis queridos polo público grazas a personaxes como Nucha, das ‘Cantareiras de Ardebullo’, e ao seu traballo xunto a Xosé A. Touriñán en ‘Os dous de sempre’. Cun estilo baseado na creación de personaxes e no humor de observación, combina a súa presenza no audiovisual coa súa experiencia sobre os escenarios.