Ainé é unha das produtoras de artes escénicas máis relevantes de Galicia. Levamos aos escenarios os espectáculos máis exitosos da historia do teatro galego, por crítica e número de espectadores.
Traballamos pensando no público, comprometidos coa promoción do galego e a creación de estruturas estables na industria cultural.
Estamos a preparar a nova xira de Amoriños, o espectáculo co que David Perdomo e Xosé A. Touriñán volveron xuntar improvisación, humor e emoción arredor do amor máis caótico.
Despois do éxito da primeira xira, o proxecto regresa aos escenarios cunha primavera chea de funcións por Galicia, mantendo esa esencia de comedia viva na que cada función é distinta e o público forma parte fundamental do xogo.
Xosé A. Touriñán continúa co percorrido do seu monólogo, un espectáculo no que conecta coa súa propia biografía, coa identidade e coas experiencias cotiás a través do humor.
Nestes primeiros meses do ano, inicia a xira estatal, levando o espectáculo a cidades como Madrid, Barcelona, Bilbao e Oviedo, mentres segue medrando función a función co público.
Nestes meses estamos a dar forma a Territorio Regueifa, un novo espectáculo que mestura teatro, humor, música e improvisación arredor da arte da regueifa. Dous regueifeiros e unha regueifeira lévannos polas súas orixes, pola súa evolución e polo lugar que ocupa hoxe esta tradición viva.
Un proxecto que combina divulgación, xogo escénico e participación do público, e no que seguimos traballando para levalo moi pronto aos escenarios.
Un espectáculo de citas tolas, paixóns imposibles e personaxes que non deberían xuntarse… pero xúntanse igual.
Un monólogo que viaxará por todo o Estado, no que Xosé A. Touriñán mestura humor e experiencia vital para conectar co público desde a proximidade.
Un espectáculo de teatro, humor, música e improvisación, no que dous regueifeiros e unha regueifeira introdúcennos na arte da regueifa, as súas orixes, a súa evolución, e a súa vixencia na actualidade.
Descubre todos os contidos audiovisuais dos nosos proxectos e espectáculos.
Entre as pantallas e os escenarios, sempre coa idea de conectar co público. Comeza 2026 dando inicio ao percorrido estatal do seu monólogo máis persoal, e coa segunda xira do espectáculo Amoriños.
A actualidade sobre o noso traballo, e sobre os proxectos que temos en marcha.
O espectáculo de Xosé A. Touriñán e David Perdomo comeza o seu novo percorrido con dúas funcións en Vilagarcía e Santiago. A última parada da xira será no Teatro Colón da Coruña, cuxas entradas xa están dispoñibles.
O espectáculo de Touriñán e Perdomo amplía o seu calendario con novos pases en distintas paradas da xira. A Coruña, última cita do percorrido, abrirá a venda de entradas proximamente.
A proposta escénica baseada no universo da serie infantil compite na categoría de ‘Mellor espectáculo infantil’ na 30ª edición dos galardóns organizados pola AAAG.
Tras o arranque da xira en Madrid, Bilbao acollerá este 7 de marzo o monólogo de Touriñán no Teatro Campos Eliseos, como parte do percorrido que o leva a diferentes cidades do Estado.
