Artistas

Xosé A. Touriñán
Actor, cómico e produtor

Ainé non se entende sen Touri: sen os seus esforzos para poñer en marcha proxectos de todo tipo para facer desfrutar ás espectadoras e espectadores, desde as pantallas ou desde os escenarios.

Logo de máis de vinte anos entre o audiovisual e o teatro, traballa como actor, cómico e produtor, e segue a ser un dos nomes máis populares e queridos polo público en Galicia.

Nestes meses xira por Galicia con Somos Criminais 3, un exitoso espectáculo de comedia que comparte con Carlos Blanco, e con Aquí Tou!, unha particular autobiografía en forma de comedia. Mentres, roda a segunda parte da longametraxe Cuñados, e prepara a súa participación na serie Clanes, producida por Vaca Films.