Santi Romay (Malpica, 1983) é actor de teatro, cine e televisión.
Titulado en Pedagoxía Teatral pola Universidade da Coruña, comeza na interpretación de neno, cando participa na serie Mareas Vivas. En televisión tamén traballou en Os Atlánticos, Somos unha potenzia, Matalobos, Casa Manola, Auga Seca e Serramoura. Ten participado na webserie Clases de lo Social e en filmes como O Tesouro e Vilamor.
Nos últimos anos forma parte do elenco de moitos espectáculos teatrais como Un país de comedia, Yepeto, Coleccionistas, Medida x Medida, O montacargas, A Peste ou Shakespeare en Roma.
