Xurxo Mariño (Lugo, 1969) é biólogo, doutor en Ciencias Biolóxicas, profesor na Universidade da Coruña, escritor e divulgador científico.
Ademais da súa faceta como investigador e profesor universitario, Xurxo Mariño desenvolve en moi diferentes eidos un intenso labor de divulgación científica, que procura conectar coas humanidades. No ámbito literario, escribiu cinco libros e é o autor do blog Culturacientifica.org. Tamén crea monólogos sobre ciencia e tecnoloxía no programa Conexións da TVG, organiza “cafés-teatro científicos” e participa en espectáculos e monólogos como Carbón ou Discurshows.
Entre outros méritos, foi merecedor do Premio Especial do Xurado do I Certamen FECYT de Comunicación Científica e o Premio da Categoría na Gala do Libro Galego polo seu libro Tierra, que tamén obtivo unha mención de honra nos premios PRISMAS 2018.
