Ben e Gus agardan ordes no Teatro Principal
Federico Pérez e Santi Romay protagonizan ‘O Montacargas’, de Harold Pinter, que xira desde o pasado verán cunha adaptación de Evaristo Calvo. O Teatro Principal de Santiago acolle dúas representacións deste espectáculo, encadrado no xénero do teatro do absurdo, o xoves 16 e o venres 17.
Unha encarga misteriosa. Un cuarto. Un montacargas. E a espera. Ben (Federico Pérez) e Gus (Santi Romay) agardan ordes dunha instancia superior da que descoñecen todo ou case todo, e dedican tempo e tempo a unha particular conversa sobre algunhas noticias do xornal ou a actualidade dalgún equipo de fútbol. O tempo segue pasando, o montacargas ponse en marcha, e todo acontecerá dun momento a outro.
Evaristo Calvo adapta e dirixe o texto de Harold Pinter, escrito no ano 1957, para esta produción de Ainé Producións e a compañía Acusmaser Opus. O espectáculo estreouse o pasado verán na Mostra Internacional de Teatro de Ribadavia, e desde entón pasou por diferentes escenarios nunha xira que se intensificará durante este ano.
A montaxe conta co deseño de iluminación de Octavio Más, o espazo sonoro a cargo de Pablo Seoane, e o deseño de escenografía de María Roja.
O Teatro Principal de Compostela acolle os días 16 e 17 de xaneiro as primeiras funcións de O Montacargas neste ano, con entradas á venda a través da web de Compostela Cultura.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.