Marta Doviro, Federico Pérez e Touriñán, protagonistas da nova edición dos Monólogos R
Baixo o título de 'Ignorancia Artificial', os tres cómicos protagonizan a proposta deste ano. O Auditorio Mar de Vigo e o Auditorio Palexco da Coruña acollerán as funcións.
Federico Pérez e Touriñán no Castelo Conta. Foto de Aigi Boga
A Intelixencia Artificial leva meses en boca de todo o mundo. Un avance tecnolóxico que non deixa de sorprender, asustar, crear ferramentas para mellorar procesos, facer parodias, replicar contidos, confundir… como sempre, hai voces expertas que alertan ou se entusiasman, pero como como con todos os grades asuntos sempre fai falta que falen os cómicos, que poñen no seu sitio as cousas que non entendemos ou non de todo, polo menos.
É o que farán Touri, Federico Pérez e Marta Doviro sobre os escenarios dos monólogos R 2024 co espectáculo ‘Ignorancia Artificial, nunca tal se vira’. Serán dous días para desfrutar con estes grandes do humor galego. A primeira parada terá lugar o domingo 25 de febreiro no Auditorio Mar de Vigo, logo o espectáculo viaxará á Coruña para realizar dúas funcións no Auditorio Palexco o sábado 9 de marzo. As entradas poden conseguirse na web de R.
Ao longo destes anos os mellores monologuistas galegos pasaron por esta festa da comedia: David Amor, Isi, Pepo Suevos, Carlos Blanco, Javier Veiga, David Perdomo, Oswaldo Digón, Rober Bodegas, Lucía Veiga, Marcos Pereiro, Víctor Grande, Isabel Risco…
NOTICIAS RELACIONADAS
Xosé A. Touriñán recibe o Premio de Honra Manuel Lourenzo de Feteagal
O recoñecemento foi entregado o pasado sábado no Teatro Colón da Coruña, durante a gala dos I Premios Feteagal Manuel Lourenzo do Teatro Amador Galego.
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.