Touriñán e Perdomo congregan 6.000 persoas esta fin de semana
Os dous cómicos están a piques de esgotar as entradas para as catro funcións previstas no Auditorio Gaivota de Palexco. A boa sintonía co público de 'Corentena' alcanza na Coruña un novo récord.
David Perdomo e Xosé A. Touriñán en 'Corentena'. Foto: Aigi Boga
‘Corentena‘ volve á Coruña case un ano despois da primeira función do espectáculo. Desde entón, moito camiño percorreron Xosé A. Touriñán e David Perdomo cun show que naceu en Instagram, adaptouse para representarse en pequenas salas e agora enche teatros e auditorios por toda Galicia.
Neste tempo, máis de 30.000 espectadores desfrutaron dos personaxes que Perdomo e Touri crean sobre as táboas. Na Coruña, esgotaron as entradas no MEGA, logo no Garufa Club, catro funcións no Teatro Colón e agora van camiño de facer o mesmo coas catro do Auditorio Gaivota de Palexco. As últimas entradas para esta fin de semana están á venda en corentena.gal e na web de Ataquilla.
Sobre o escenario, Touriñán e Perdomo consiguen que o público desfrute a base de pasalo eles dous en grande. ‘Corentena’ é un espectáculo de humor que crean dous amigos pasándoo ben, improvisando e xogando coas regras da comedia e incluíndo ao espectador nunha conversa que nunca sabes por que camiños vai discorrer. E aí está o éxito, na sorpresa e en pasalo ben como xeito de que o espectador se sume a esa complicidade que os dous cómicos teñen en escena.
A xira continúa
Despois desta fin de semana na Coruña, o espectáculo fai un pequeno alto no camiño para regresar no mes de abril.
NOTICIAS RELACIONADAS
Xosé A. Touriñán presenta ‘Moi Animal’, o seu novo monólogo
O humorista estrea unha nova proposta escénica arredor da nosa relación cos animais e das contradicións da especie humana. A xira comezará en outubro e percorrerá once localidades galegas.
A Coruña acolle a programación do Noroestiño, a proposta familiar do 39º Festival Noroeste Estrella Galicia
A programación infantil do Festival Noroeste Estrella Galicia volverá aos Xardíns de Méndez Núñez do 5 ao 9 de agosto con sete propostas de música e artes escénicas para público familiar.
Xa á venda as entradas para a función especial de ‘Amoriños’ no Festival Noroeste Estrella Galicia
O espectáculo de Xosé A. Touriñán e David Perdomo chega o vindeiro 9 de agosto ao Parque de Santa Margarida cunha función especial dentro da 39º edición do Festival Noroeste Estrella Galicia. As entradas xa están dispoñibles.