‘Corentena’ comeza en Narón un mes con todas as entradas esgotadas
O espectáculo de Xosé A. Touriñán e David Perdomo chega ao Pazo da Cultura o 1 e 2 de decembro. A Coruña e Santiago, próximas paradas, colgaron o cartel de non hai entradas.
David Perdomo e Xosé A. Touriñán en 'Corentena'. Foto: Aigi Boga
Tras a súa gran acollida no Teatro Afundación de Vigo fai un par de semanas, os dous cómicos continúan de xira con Corentena. O espectáculo está conectando moi ben cun público que continúa enchendo os teatros. Polo de agora, máis de 10.000 persoas foron cómplices da “corentena” de Xosé A. Touriñán e David Perdomo.
Decembro comeza con catro pases programados no Pazo da Cultura de Narón. A cita será o próximo venres 1 e sábado 2, con dúas funcións diarias para as que están practicamente esgotadas as entradas. Tan só restan uns poucos asentos para o pase do venres ás 22.30 horas.
Logo, Corentena viaxará aos teatros da Coruña e Santiago de Compostela. As entradas para os catro pases programados os días 8 e 9 no Teatro Colón levan semanas esgotadas. O show tamén viaxa a mediados de mes ao Auditorio de Galicia en Compostela, os días 15 e 16, coas entradas para as tres funcións tamén esgotadas.
Comezamos 2024 con novas funcións
O éxito de Corentena na súa andaina polos escenarios durante este ano fixo que o espectáculo de Perdomo e Touriñán anunciara novas datas para os meses de xaneiro e febreiro de 2024. As entradas para as funcións en Noia, Vilalba, O Grove, Burela e Ponteareas están xa á venda en corentena.gal e na web de Ataquilla.
NOTICIAS RELACIONADAS
Lamatumbá gaña o Premio Martín Códax da Música na categoría de Orquestras, Grupos e Música de Verbena
A banda ourensá vén de ser recoñecida na XIII edición dos Premios Martín Códax da Música, nun momento marcado polo regreso aos escenarios coa proposta ‘LAMATUMBÁ… E XA ESTÁ!’.
‘Amoriños’ despídese na Coruña cunha intensa fin de semana de seis funcións
O espectáculo de Xosé A. Touriñán e David Perdomo chega ao seu gran peche de xira no Teatro Colón. Entre o 5 e o 7 de xuño ofrecerán seis funcións, das que só queda dispoñibilidade para a derradeira sesión do domingo ás 20.30.
‘Amoriños’ encara a súa recta final cunha intensa fin de semana en Pontevedra
O espectáculo de Touriñán e Perdomo entra no último tramo da súa xira de primavera tras máis de dous meses de funcións por Galicia.