‘Continente María’ triunfa no Festival Internacional Temporada Alta de Montevideo
O espectáculo dirixido por Tito Asorey e protagonizado por Melania Cruz e Vadim Yukhnevich esgotou as entradas e recibiu dúas ovacións no seu paso polo Uruguai.
Melania Cruz na escena final de 'Continente María'. Foto: Aigi Boga
María Casares volveu ao Uruguai case 70 antos despois da súa visita co Teatro Nacional de París. Desta volta fíxoo grazas a Melania Cruz, quen dialoga e interpreta á grande actriz en ‘Continente María’. O espectáculo forma parte da programación do Festival Internacional Temporada Alta. O festival, que celebra a súa 10ª edición, presenta unha mostra do mellor teatro iberoamericano, con 30 obras que se poderán ver en Montevideo ata o 3 de marzo.
O espectáculo dirixido por Tito Asorey ofreceu dúas funcións, os días 16 e 17 de febreiro, na sala Lazaroff de Montevideo, unha das sedes do Temporada Alta no Uruguai. Os dous pases da obra tiveron un cheo absoluto e a recepción por parte do público foi magnífica. A viaxe foi posible grazas á colaboración da Axencia Galega das Industrias Culturais da Xunta de Galicia e do Ministerio de Cultura, a través das liñas de axudas ao teatro e o circo do Inaem.
A gran acollida do espectáculo
Desde a súa estrea no mes de marzo de 2022, ‘Continente María’ non para de percorrer teatros, levando a memoria de María Casares —e a nosa propia como pobo— por todo o mundo. Despois de xirar polas cidades e vilas galegas, o espectáculo viaxou a París, Manizales, Bogotá, Medellín, Valladolid, Madrid… recibindo grandes ovacións e moi boas críticas nas súas actuacións. Agora, fai unha pausa no camiño mais volverá con novas datas proximamente.
NOTICIAS RELACIONADAS
Xosé A. Touriñán recibe o Premio de Honra Manuel Lourenzo de Feteagal
O recoñecemento foi entregado o pasado sábado no Teatro Colón da Coruña, durante a gala dos I Premios Feteagal Manuel Lourenzo do Teatro Amador Galego.
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.