Touriñán sae de novo de xira con ‘Aquí Tou!’
O cómico presenta o seu monólogo en seis cidades que se suman ás 12 funcións do ano pasado. As entradas están á venda en aquitou.gal e na páxina web de Ataquilla.
Xosé A. Touriñán en 'Aquí Tou!'. Foto: Aigi Boga
O ano pasado, Xosé A. Touriñán percorreu Galicia con ‘Aquí Tou‘, un monólogo no que reflexiona sobre os momentos chave da súa vida e sobre as casualidades que o levaron a onde está e que fixeron que sexa como é. Logo de presentalo no recén estreado auditorio do Grove, o espectáculo viaxou por Burela, Noia, Ponteareas, Cangas, Lalín, Catoira, Fene, Sarria, Vigo e A Coruña, onde encheu dúas funcións no Teatro Colón e outras dúas no Auditorio Palexco.
Neste comezo de 2023, ‘Aquí Tou!’ regresa aos teatros con datas programadas para Vigo -para a que xa non quedan entradas dispoñibles-, Vilagarcía de Arousa, Santiago de Compostela, Ourense, Lugo e Ferrol. As entradas están dispoñibles en aquitou.gal e na web de Ataquilla.
Consulta todas as datas
NOTICIAS RELACIONADAS
‘Amoriños’ chega ao Noroeste Estrella Galicia cunha edición especial en Santa Margarida
O espectáculo de Xosé A. Touriñán e David Perdomo formará parte da programación da 39 edición do Festival Noroeste Estrella Galicia cunha función especial o 9 de agosto.
Xosé A. Touriñán incorpórase ao elenco da terceira e última tempada de ‘Clanes’
A serie de Netflix producida por Vaca Films despídese cunha última entrega que volve reunir a Clara Lago e Tamar Novas como protagonistas, xunto a un amplo elenco do que forma parte Xosé A. Touriñán. A tempada final pecha a historia deste universo do narcotráfico en Cambados.
Máis improvisación oral para despois do verán: ‘Territorio Regueifa’ suma tres novas funcións
O espectáculo regresará aos escenarios en outubro e novembro con tres novas funcións xa confirmadas. Entre elas destaca a primeira representación fóra de Galicia, que terá lugar en Barakaldo.