Continente María é un canto á vida e ao teatro a través do diálogo coa extraordinaria figura de María Casares. Conversamos co legado da actriz tratando de recoller a retranca, o humor e a musicalidade que se desprende das súas entrevistas e escritos, que se descobren ante nós como un faro que dá luz e claridade a un presente que precisa de referentes de liberdade e compromiso.
Continente María está incluída no catálogo de obras recomendadas polo INAEM dentro do programa PLATEA 2023-24.