Xosé A. Touriñán obtén o Premio RiR Contigo
O Premio RiR Contigo recoñece a traxectoria do cómico cullerdense
O Festival Internacional de Curtas de Comedia RIR celebrarase do 8 ao 11 de setembro en Allariz
Premio RiR Contigo 2021
Xosé A. Touriñán é o Premio RiR Contigo 2021. O Festival RiR recoñece así a “traxectoria cómica envexable” do actor e cómico cullerdense. Actor, humorista, produtor… Touriñán leva máis de vinte anos facendo rir nos diferentes proxectos que impulsou ou nos que se involucrou, sempre baixo o lema “Rir para vivir”. Unha Noite na Praia, Somos Criminais, Fariña, Cuñados, Rutas Bizarras ou Comicamente son algúns dos proxectos nos que participou estes meses.
O premio entregarase dentro das actividades do Festival, que este ano celebrarase do 8 ao 11 de setembro en Allariz. O humorista gráfico Luis Davila e o actor e humorista Carlos Blanco son os anteriores gañadores deste premio que supón un recoñecemente a unha carreira dedicada á comedia.
RiR, un festival centrado no humor
O Festival RiR é unha das citas indispensables co humor en Galicia. Desde 2018, o festival leva a Allariz teatro, circo, danza, música, monólogos, obradoiros… e o Festival Internacional de Curtas de Comedia. Pensado para disfrutar en familia e encher as rúas de risa, o festival está organizado pola Asociación Cultural Luarada e forma parte da coordinadora galega de festivais de cine Proxecta.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.