‘O último home’ chega á Coruña cunha función no Fórum Metropolitano
Este sábado, o Fórum Metropolitano da Coruña acolle 'O último home', unha comedia poética de Manuel Cortés con dirección de Borja Fernández e música en directo de Russ. As entradas están á venda a través da web do espectáculo.
Manuel Cortés e DJ Russ na estrea da obra 'O último home'. Foto: Aigi Boga
Este sábado, 20 de setembro ás 20:30 horas, o Fórum Metropolitano da Coruña acollerá unha cita única con O último home, un espectáculo que mestura teatro, humor, poesía e música electrónica en directo.
A proposta, que conta co apoio da Xunta de Galicia, arrinca dunha pregunta tan simple como potente: que pasaría se só quedase un ser humano na Terra? A resposta constrúese en escena a través dun artefacto cómico-poético con texto e interpretación de de Manuel Cortés e dirección de Borja Fernández, no que tamén participa a DJ Russ, achegando unha atmosfera sonora que combina tradición e vangarda.
O proxecto complétase cun equipo de profesionais como Laura Iturralde (iluminación), Carlos Alonso (espazo escénico), Elena Cortés (vestiario), Samuel Cortés (audiovisuais), e Laura Canto (produción), entre outros.
Tras estrearse en Vigo a comezos de ano e viaxar por Cangas no verán, O último home chega agora á Coruña cunha función que é toda unha oportunidade para descubrir unha experiencia escénica que, entre a risa e a reflexión, pon a poesía de volta no centro da escena e abre espazos para rir e pensar sobre o futuro da humanidade.
As entradas xa están dispoñibles en www.oultimohome.gal.
NOTICIAS RELACIONADAS
‘Amoriños’ amplía a súa segunda xira con novas datas e funcións
O espectáculo de Xosé A. Touriñán e David Perdomo suma novas paradas na súa xira de primavera, incluíndo no percorrido a Vilagarcía, Santiago, Ourense, Cee e Narón.
Xosé A. Touriñán inicia este venres o percorrido estatal do seu monólogo
O cómico actúa esta semana no Teatro Arlequín Gran Vía, primeira parada dunha serie de funcións que o levarán tamén por Bilbao, Barcelona e Oviedo nos próximos meses.
‘Amoriños’ prepárase para unha primavera de amor sobre as táboas
Tras unha primeira xira con funcións esgotadas, Touriñán e Perdomo regresarán no mes de marzo coa súa última proposta, un espectáculo de citas tolas, improvisación e moito corazón.