‘Somos Criminais’ pon punto e final ao seu exitoso proxecto
Todas as datas, localizacións e venda de entradas xa dispoñibles en somoscriminais.gal
'Somos Criminais e punto final', o novo espectáculo de Xosé A. Touriñán e Carlos Blanco
Despois de encher numerosos teatros galegos con ‘Somos Criminais‘ e ‘Somos Criminais 3‘, Carlos Blanco e Xosé Antonio Touriñán regresan aos escenarios coa derradeira entrega deste espectáculo.
Dirixida por Tito Asorey e con textos de José L. Prieto, Carlos Blanco e Xosé A. Touriñán, en ‘Somos Criminais e punto final’ os dous cómicos están ao mando dunha misión espacial moi particular. Os humoristas serán os encargados de que na súa nave, rumbo a outro planeta, estea presente todo o noso patrimonio material e inmaterial máis prezado para que a nova terra á que emigraremos siga sendo criminal.
A estrea terá lugar o próximo 1 de novembro no Auditorio de Galicia de Santiago de Compostela. Posteriormente, o 8 e o 9 de novembro o espectáculo pasará polo Auditorio Municipal de Vilagarcía e, o 16 dese mesmo mes, por Cangas. A finais de novembro a comedia cambiará dúas veces de provincia. Os días 22 e 23 os nosos cómicos farán rir aos veciños de Ourense, o día 29 aos que se acheguen á cidade de Lugo e o 30 aos que pasen por Burela.
Xa en decembro, ‘Somos Criminais e punto final’ estará os días 20 e 21 no Teatro Afundación de Vigo, pero tamén no Teatro Colón de A Coruña os días 28, 29 e 30 de decembro. A comezos do vindeiro ano, Carlos Blanco e Touriñán estarán o 11 e 12 de xaneiro no Auditorio Sede Afundación de Pontevedra e o 17 e 18 dese mes no Pazo da Cultura de Narón.
Todas as datas e localizacións, así como a venda de entradas están dispoñibles en www.somoscriminais.gal e na web da plataforma Ataquilla. Non quedes sen a oportunidade de desfrutar por última vez deste divertido espectáculo!
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.