‘Somos Criminais e punto final’ chega ao ecuador da súa última xira con dobre función en Vigo
Somos Criminais e punto final suma máis de 100.000 espectadores desde 2018 e encara agora o ecuador da súa derradeira xira. O espectáculo para en Vigo con dúas funcións consecutivas antes de viaxar a Vilagarcía e A Coruña, onde porá o punto final o 1 de novembro.
Xosé A. Touriñán e Carlos Blanco nunha función de 'Somos Criminais e punto final'
A terceira e última entrega dunha das propostas máis exitosas do teatro galego chega esta fin de semana a Vigo. O Auditorio Mar de Vigo acollerá dúas funcións consecutivas de Somos Criminais e punto final: o sábado 4 e o domingo 5 de outubro. Será a última oportunidade de ver en directo o espectáculo de Carlos Blanco e Xosé A. Touriñán, que desde 2018 teñen conquistado xa a máis de 100.000 espectadores coa súa triloxía teatral.
Nesta derradeira entrega, a trama sitúa ao público nunha Galicia ao borde do fin do mundo. A bordo da nave Arteixo II, os dous cómicos rematan por converterse en capitáns dunha misión que debe evacuar a un grupo de elixidos cara a un novo planeta, levando consigo o patrimonio humano e cultural que fai única a identidade galega.
O espectáculo conta coa dramaturxia de José L. Prieto, Carlos Blanco e Xosé A. Touriñán, e está dirixido por Tito Asorey. Tras a dobre función en Vigo, a xira continuará o 25 de outubro en Vilagarcía de Arousa e rematará o 1 de novembro na Coruña, cun balance previsto de máis de 10.000 espectadores nesta etapa final.
As entradas para as vindeiras citas están dispoñibles na web do espectáculo: www.somoscriminais.gal.
NOTICIAS RELACIONADAS
Touriñán celebra o día dos namorados cunha función do seu monólogo en Madrid
Este sábado, Xosé A. Touriñán regresa ao Teatro Arlequín de Madrid cunha nova función do seu monólogo, dentro dunha xira estatal que percorrerá distintas cidades máis alá das nosas fronteiras.
Monólogo de Xosé A. Touriñán
Un monólogo que viaxará por todo o Estado, no que Xosé A. Touriñán mestura humor e experiencia vital para conectar co público desde a proximidade.
‘Territorio Regueifa’ presentouse onte en Carballo como un soño que chega ao escenario
A estrea absoluta de ‘Territorio Regueifa’, este venres 6 de febreiro no Pazo da Cultura de Carballo, foi presentada nunha rolda de prensa que puxo o foco na importancia de levar a regueifa ao teatro e de reivindicala como arte viva.