‘Somos Criminais 3’ na VII edición do Castelo Conta
O espectáculo de Carlos Blanco e Xosé A. Touriñán estará o xoves 25 de agosto en Castelo. As entradas para esta única función do verán xa están á venda
Logo do éxito de Somos Criminais, o espectáculo que máis entradas vendeu na historia en Galicia con máis de 50.000, Carlos Blanco e Xosé A. Touriñán volveron xuntarse sobre as táboas con Somos Criminais 3. Un espectáculo no que, no canto de crimes con denominación de orixe buscan aclarar se os galegos somos criminais no sentido menos criminal da palabra.
En Somos Criminais 3, Carlos e Touri, analizan Galicia e os seus habitantes para saber como somos e para saber por que somos como somos. Con textos de José L. Prieto, Carlos Blanco e Xosé A Touriñán, o espectáculo está dirixido por Tito Asorey.
Somos Criminais 3 comezou en decembro de 2021 unha xira por Galicia que superou os 26.000 espectadores en menos de dous meses de representacións. Logo de meses cos teatros pechados ou a medio gas, a afluencia de público nesta xira superou todas as expectativas, chegando, por exemplo, a encher 6 funcións seguidas na Coruña.
As entradas para esta única representación do verán están á venda en somoscriminais.gal, nas webs do festival e Ataquilla e nos puntos de venda físicos do Castelo Conta.
NOTICIAS RELACIONADAS
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.
‘Moi Animal’, o novo monólogo de Touriñán, suma novas funcións á súa primeira xira
O novo monólogo de Xosé A. Touriñán esgota localidades en Cee e Santiago e amplía funcións na Coruña, Vilagarcía, Vigo e Pontevedra. A xira, que comezará en outubro, continúa medrando antes da súa chegada aos escenarios galegos.
Chega ‘A Lacena Pequena’, un novo proxecto cultural itinerante
Ainé e E-ló Arquitectura poñen en marcha unha proposta que combina música, artes escénicas, gastronomía e patrimonio a través dunha singular infraestrutura.