Carlos Blanco e Touriñán agasallan co filme de Somos Criminais a todas as residencias de maiores
Máis de trescentas copias do espectáculo que os cómicos rodaron o pasado mes de xuño sairon esta semana dirixidas a todas as residencias da terceira idade do noso país, para que desfruten os maiores xunto coas e cos profesionais dos centros.
Uns 60.000 espectadores encheron as butacas dos teatros para ver Somos Criminais, o traballo máis exitoso de Carlos Blanco e Xosé A. Touriñán sobre as táboas. Bateron todos os records de público en dúas xiras coas que percorreron Galicia en pouco máis dun ano, e a SGAE acreditouno: nunca antes un espectáculo vendera tantas entradas. Ano e medio despois, a pandemia permitiu aos actores recuperalo nun formato diferente. O pasado mes de xuño, máis de 10.000 espectadores seguiron unha emisión única en streaming da obra -a primeira en Galicia no ámbito das artes escénicas para a que era preciso mercar antes unha entrada-.
Este sensacional éxito non deixou de facer pensar a Carlos Blanco e a Touriñán sobre unha parte do público que case nunca ten a posibilidade de asistir aos teatros. Son as e os maiores que viven nas máis de trescentas residencias da terceira idade repartidas por todo o país, os lugares nos que a crise sanitaria se viviu con máis preocupación neste 2020 que remata.
Os actores decidiron durante as últimas semanas poñer en marcha unha iniciativa única: o envío de balde a todas as residencias de maiores dunha copia do filme de Somos Criminais, en formato digipack USB, acompañado dunha carta dirixida ás e aos responsables destes centros. Todo co obxectivo de que equipos de profesionais e residentes poidan pasar un momento agradable co espectáculo durante estas festas
Grazas ao apoio de Deleite, asumindo os custes de produción e envío, que se suma unha vez máis ás iniciativas sociais e culturais que pon en marcha Xosé A. Touriñán e a súa produtora, o filme chegará antes do remate do ano a todas as residencias de Galicia.
Esta é a carta que os actores enviaron ás residencias xunto co filme:
NOTICIAS RELACIONADAS
‘Amoriños’ segue sumando funcións para esta primavera
O espectáculo de Touriñán e Perdomo amplía o seu calendario con novos pases en distintas paradas da xira. A Coruña, última cita do percorrido, abrirá a venda de entradas proximamente.
‘Bibopalula · O Espectáculo’, finalista nos Premios de Teatro María Casares
A proposta escénica baseada no universo da serie infantil compite na categoría de ‘Mellor espectáculo infantil’ na 30ª edición dos galardóns organizados pola AAAG.
Xosé A. Touriñán continúa a súa xira estatal: este sábado, Bilbao
Tras o arranque da xira en Madrid, Bilbao acollerá este 7 de marzo o monólogo de Touriñán no Teatro Campos Eliseos, como parte do percorrido que o leva a diferentes cidades do Estado.