A actualidade sobre o noso traballo, e sobre os proxectos que temos en marcha.
Caderno
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
Carlos Blanco e Touriñán volven xuntos aos teatros con ‘Unha noite na praia’
O espectáculo teatral, escrito e dirixido por Javier Veiga, percorrerá as grandes cidades galegas entre os meses de maio e xuño. Logo do éxito de Somos Criminais, que bateu todos os records na historia do teatro galego converténdose no espectáculo con máis entradas vendidas, Carlos Blanco e Touriñán xúntanse de novo para ofrecer ao público unha comedia con mar de fondo.
‘Justo antes de Cristo’, a nova comedia de Movistar+ con Xosé Antonio Touriñán
O actor cullerdense estréase cun papel protagonista nunha ficción nacional interpretando a Agorastocles, un escravo dividido entre dar parabéns ao seu dono ou facer o posible para que impere o sentido común. Justo antes de Cristo é unha comedia dirixida por Borja Cobeaga e Pepón Montero que chegará a Movistar+ o 5 de abril.
‘Antes de perder’, o novo de Sonia Méndez en Playz, con Touriñán, Marcos Pereiro e Federico Pérez
Unha miniserie de sete píldoras e retransmisións a través de Instagram que conta a fuxida sen retorno de dúas mulleres na estrada, onde comparten unha historia que racha cos códigos do concepto de feminidade. Protagonizada por Esther Acebo e Mariam Hernández, conta con Xosé A. Touriñán, Marcos Pereiro e Federico Pérez no seu reparto.
Un ano absolutamente criminal
Rematou 2018. Un ano no que en Ainé transitamos un camiño de ida e volta entre os teatros e os platós, entre as oficinas e as rodaxes, e que en cantidade e calidade de proxectos deixa o listón ben alto de cara ao 2019 que comeza.
Xosé A. Touriñán, protagonista do novo anuncio de Deleite
‘O leite da nosa xente’ é o título dunha peza dirixida por Jorge Coira e producida por Undodez coa colaboración de Ainé Producións, con música orixinal do grupo pontevedrés Primordiais.
‘Somos Criminais’ é xa o espectáculo con máis entradas vendidas da historia do teatro en Galicia
Touriñán e Carlos Blanco valoraron nunha rolda de prensa no Teatro Colón da Coruña o que supón un fito sen precedentes na dramaturxia do noso país. Somos Criminais superou esta semana as 50.000 localidades vendidas, só nove meses despois da estrea, o pasado 31 de marzo na Illa de Arousa.
Portada »