Falta pouco máis dunha hora para a fin do mundo. En Galicia, unha nave, a Arteixo II, está a piques de despegar cuns poucos elixidos a bordo en dirección a un planeta onde empezarán unha nova vida. Os capitáns da nave, Carlos Blanco e Touriñán, son os encargados de que a evacuación se leve a cabo con éxito e de meter nesta Arca de Noé galega todo o noso patrimonio humano, material e inmaterial máis prezado, para que a nova terra á que emigraremos siga sendo criminal.
Esta é a premisa do espectáculo co que Carlos Blanco e Xosé A. Touriñán poñen o punto e final a un dos proxectos máis exitosos do teatro galego nas últimas décadas. Dirixido por Tito Asorey con textos de José L. Prieto, Carlos Blanco e Touriñán, Somos Criminais e punto final comeza este venres, 1 de novembro, a súa xira de presentación por toda Galicia. Logo do éxito de Somos Criminais e Somos Criminais 3, os dous cómicos volven subir xuntos aos escenarios para explorar o noso xeito especial de ser e estar no mundo, mediante un humor e complicidade marca da casa que conseguiu levar máis de 100.000 espectadores aos teatros galegos.
O gran éxito entre o público das anteriores entregas de Somos Criminais semella ter continuidade con Somos Criminais e punto final, vendendo máis de 17.000 entradas nestas primeiras semanas. O espectáculo, producido por Ainé e Condetrespés, estará de xira ata o mes de xaneiro. As entradas están á venda en somoscriminais.gal e na plataforma Ataquilla.
Consulta todas as datas
- 20 Dec - 21 Dec
- Vigo
- Somos Criminais e punto final
- Mercar entradas
- 27 Dec - 30 Dec
- A Coruña
- Somos Criminais e punto final
- Mercar entradas
- 11 Xan - 12 Xan 2025
- Pontevedra
- Somos Criminais e punto final
- Mercar entradas
- 17 Xan - 18 Xan 2025
- Narón
- Somos Criminais e punto final
- Mercar entradas
