Portada » Espectáculos »
Espectáculos
‘Fariña’ remata unha aventura histórica en Madrid: máis de 6000 espectadores e o clamor da #CulturaSegura
O espectáculo representouse durante tres semanas nas Naves del Español, no medio de todas as incertezas pola situación sanitaria na capital. Convértese nun dos éxitos máis relevantes da historia do teatro galego fóra do noso país.
Fariña representarase no Teatro Colón da Coruña durante unha semana en novembro
O espectáculo volve a Galicia logo de esgotar as localidades cada día en Madrid durante un mes. Será xusto na semana na que se cumprirá un ano da estrea no teatro coruñés. As entradas sairán á venda nos próximos días.
“Es prácticamente perfecta”: a crítica teatral en Madrid encomia a Fariña
Logo das primeiras funcións, as diferentes críticas nos medios de comunicación da capital confirman o éxito da adaptación teatral da obra de Nacho Carretero, dirixida por Tito Asorey coa dramaturxia de José L. Prieto.
O xornalismo e a cultura en Madrid, na estrea de Fariña
Algunhas das caras máis coñecidas do xornalismo e a cultura, en moitos casos galegos na capital, acompañaron a Nacho Carretero e o equipo de Fariña o pasado xoves na estrea nas Naves del Español. Á función asistiron tamén a Ministra de Traballo e Economía Social e a Delegada da Área de Goberno de Cultura, Turismo e Deportes do Ayuntamiento de Madrid.
Fariña conquista a Madrid e ergue a bandeira da cultura segura
O espectáculo dirixido por Tito Asorey estreouse o pasado xoves nas Naves del Español enchendo a Sala Fernando Arrabal ata o aforo máximo permitido. A adaptación ao teatro da obra de Nacho Carretero mantén programadas vinte e dúas funcións na capital, ata o 11 de outubro.
‘Fariña’ abrirá a temporada de teatro en Madrid
As Naves del Español acollerán do 17 de setembro ao 11 de outubro o espectáculo dirixido por Tito Asorey, que leva ás táboas a exitosa obra de Nacho Carretero. Os teatros públicos madrileños retomarán coa produción galega a súa programación logo da crise sanitaria.