O xornalismo e a cultura en Madrid, na estrea de Fariña
Algunhas das caras máis coñecidas do xornalismo e a cultura, en moitos casos galegos na capital, acompañaron a Nacho Carretero e o equipo de Fariña o pasado xoves na estrea nas Naves del Español. Á función asistiron tamén a Ministra de Traballo e Economía Social e a Delegada da Área de Goberno de Cultura, Turismo e Deportes do Ayuntamiento de Madrid.
Matadero encheuse o xoves, e ao público soábanlle as caras de moitos cos que compartían función. Eran xornalistas, presentadoras e presentadores de televisión, actrices e actores, e tamén políticos. Ninguén quixo perder a volta aos teatros, no medio dunha pandemia na que -todos coincidían- a cultura debe seguir ocupando un lugar importante.
Os flashes das cámaras centráronse na Ministra de Traballo e Economía Social, a galega Yolanda Díaz, a quen Nacho Carretero acompañou no photocall antes de entrar á sala. Fixo o propio con Andrea Levy, Delegada da Área de Goberno de Cultura, Turismo e Deportes do Ayuntamiento de Madrid.
Estiveron tamén os actores Tristán Ulloa, Marta Larralde, Jana Pérez, Tomás Pozzi, Marta Belmonte, Rober Bodegas ou Tamar Novás, algúns deles coñecidos precisamente pola súa interpretación na Fariña audiovisual, a serie de Bambú para Netflix e Antena 3.
Do mundo da televisión non faltaron á cita a xornalista Alba Lago, Quequé ou Gonzo. Todos eles recomendaron o espectáculo nas súas sociais ao remate do espectáculo.
Asistiron tamén o produtor musical David Quinzán, a escritora Elvira Sastre ou o chef galego Manuel Domínguez, Estrella Michelín, e con restaurante en Madrid. Manuel Jabois, Álvaro Llorca, Pedro Zuazua, Rafa Cabaleira ou Natalia Junquera, entre outros tantos xornalistas acompañaron a Nacho Carretero na estrea, que abriu as vinte e dúas funcións do espectáculo que se representarán ata o 11 de outubro nas Naves del Español.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.