‘Aquí Tou!’ chega a Porto do Son esta fin de semana
O monólogo máis persoal de Xosé A. Touriñán formará parte do III Ciclo de Monólogos organizado polo Concello de Porto do Son, cunha función o sábado 25 de abril e que conta xa con todas as entradas esgotadas.
Xosé A. Touriñán durante unha función do seu monólogo. Fotografía: María Simón
O vindeiro sábado 25 de abril, Xosé A. Touriñán levará o seu monólogo Aquí Tou! á Casa da Cultura de Porto do Son, nunha función programada ás 21.00h dentro do III Ciclo de Monólogos organizado polo Concello de Porto do Son.
Trátase dunha función especial, allea ás xiras recentes do espectáculo, que xorde no marco desta programación cultural e que volve poñer de manifesto o interese do público por unha proposta que continúa a encher auditorios en cada unha das súas citas. As entradas están xa esgotadas, acadando o aforo completo.
En Aquí Tou!, Touriñán constrúe un relato vital no que mestura humor e emoción a partir de experiencias persoais, lembranzas e referencias á cultura popular galega. O espectáculo, escrito xunto a José L. Prieto, propón unha viaxe que vai da experiencia persoal á común, convertendo cada función nun espazo de complicidade co público.
Desde a súa estrea, o monólogo consolidouse como unha das propostas escénicas máis recoñecibles do humor galego recente, mantendo unha relación directa e constante co público, que responde con entusiasmo en cada nova oportunidade de velo en directo.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.