Xosé A. Touriñán levará por primeira vez o seu monólogo a Madrid

Xosé A. Touriñán fará unha parada no medio das xiras de Aquí Tou! e Corentena · Game Over para actuar en Madrid. O Teatro Arlequín Gran Vía, un dos máis coñecidos da capital do estado, acollerá o próximo sábado 5 de abril o monólogo do cómico coruñés, dentro da programación de espectáculos de comedia, teatro e musicais que ofrece durante toda a temporada. Será a primeira vez de Touriñán en solitario fóra de Galicia, logo de participar en distintas ocasións en eventos de comedia acompañado doutros humoristas como Leo Harlem, Álex Clavero ou JJ Vaquero en Madrid ou Valladolid.

Para o espectáculo do 5 de abril, previsto ás 19.00 horas, quedan xa poucas localidades, que é posible adquirir a través da web teatroarlequingranvia.com nun prezo único de 20 euros.

Unha intensa primavera de comedia

Touriñán visitará Madrid logo de actuar o día anterior en Melide co seu monólogo Aquí Tou!, no inicio dunha xira que tamén o levará a Sanxenxo, Cee, Ourense, Ponteareas, Lugo ou O Carballiño ata finais de maio. Tamén nestes meses xira con David Perdomo, con ‘Corentena · Game Over’, que logo de estrearse en Pontevedra e pasar por Ourense e Burela, chegará nas próximas semanas á Coruña, Vilalba, Vigo, O Grove e Lugo.

Todas as datas de Touriñán nos próximos meses

• • 17 Xul
  • Sarria
  • Monólogo
  • Mercar entradas
• • 9 Out
  • Madrid
  • Monólogo
  • Mercar entradas
• • 23 Out
  • Barcelona
  • Monólogo
  • Mercar entradas
• • 31 Out
  • Zaragoza
  • Monólogo
  • Mercar entradas
• • 13 Nov
  • Madrid
  • Monólogo
  • Mercar entradas
• • 21 Nov
  • Burgos
  • Mentes Peligrosas
  • Mercar entradas
• • 27 Feb 2027
  • Santander
  • Monólogo
  • Mercar entradas