Xosé A. Touriñán participou este domingo no programa satírico da Televisión de Galicia.

Touriñán no set do Malicia Noticias.

O magacín satírico Malicia Noticias arrincou onte a última semana da temporada. E fíxoo con Xosé A. Touriñán como convidado especial. O cullerdense acompañou na mesa do programa a Arturo Fernández, Lucía Veiga, Noelia Rey e Brais Doval. Xuntos analizaron as novas máis estrafalarias do día e repasaron a actualidade galega. Touriñán foi tamén o encargado de dar vida nun sketch ao marido de Nenita, o popular personaxe interpretado por Lucía Veiga.

O programa da Televisión de Galicia obtivo uns moi bos datos de audiencia, conseguindo un 10,5 de share no prime time do domingo. Un total de 232.000 espectadores conectaron coa emisión, sendo o programa non informativo da TVG máis visto do día.

O programa completo está dispoñible á carta na web da Televisión de Galicia.