‘Nena’, producida por Touriñán, entre as obras impulsadas pola Agadic

Nena é unha das 6 curtas beneficiarias do programa de subvencións para producións e coproducións audiovisuais de contido cultural galego.

Supón o debut como productor e director dunha curtametraxe de Xosé A. Touriñán.

Jairo Iglesias e Xosé A. Touriñán durante unha rodaxe. Foto: Aigi Boga

Touriñan debuta na produción e na dirección

Vinte e dous proxectos audivisuais de contido cultural galego contarán co apoio da Agadic. A axencia, dependente da Xunta de Galicia, publicou a resolución das axudas entre as que se atopa Nena, a primeira curta de Xosé A. Touriñán como produtor.

O actor cullerdense, que escribiu este proxecto en colaboración con José L. Prieto, codirixirá a súa primeira curtametraxe co compostelán Jairo Iglesias, gañador do premio Mestre Mateo á Mellor Curtametraxe de Ficción por Cicatrices, unha historia protagonizada por Isabel Blanco.

Producións de interese cultural

O proxecto, producido por Undodez e actualmente en fase de preprodución, é unha das seis curtametraxes seleccionadas. Xunto a Nena, atopamos os próximos traballos de Xacio Baño, Anxos Fazáns, Ángel Santos, Enrique Otero e Félix Brixel.
Trece longametraxes, das cales sete son pezas documentais, cinco de ficción e unha de animación; e tres series de televisión completan a listaxe de obras beneficiarias desta convocatoria.

Artigo anterior
O Malicia Noticias conta con Touriñán como convidado especial
Artigo seguinte
O bo humor chega este verán con Comicamente

NOTICIAS RELACIONADAS

Portada » Caderno » ‘Nena’, producida por Touriñán, entre as obras impulsadas pola Agadic