Somos Criminais 3 chega á metade da xira superando os 17.000 espectadores
O Auditorio Gustavo Freire de Lugo acolle catro novas funcións do espectáculo de Carlos Blanco e Xosé A. Touriñán. Pontevedra e Burela serán as seguintes paradas do mes de xaneiro.

Esta semana Somos Criminais 3 chega á metade da súa xira polos teatros e auditorios de Galicia. Logo da estrea na Illa de Arousa o 4 de decembro, o espectáculo pasou pola Coruña, Ourense, Santiago de Compostela, Narón e Vigo. Carlos Blanco e Xosé A. Touriñán chegan agora ao Auditorio Gustavo Freire de Lugo onde tentarán responder ás preguntas que nos facemos sobre como somos os galegos e se realmente somos como pensamos ou como din os demais que somos. É se algo está claro parece estar claro é que somos criminais, pero no sentido menos criminal da palabra.
As catro funcións desta fin de semana en Lugo marcan a metade da viaxe de Somos Criminais 3. Neste mes e medio de xira, xa son máis de 17.000 espectadores os que acudiron aos teatros ver o espectáculo. Carlos Blanco e Touriñán continuarán ata finais de febreiro coas funcións dunha produción que combina o “monólogo a dous” e os sketches.
Próximas datas
Despois das representacións desta fin de semana, a xira de Somos Criminais 3 continurá o mes de xaneiro en Pontevedra e Burela. O mes de febreiro pasará por Vilagarcía de Arousa e Cangas e rematará o día 20 no Auditorio de Ferrol.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


