As entradas para a Xira Galega de ‘Fariña’ xa están á venda!
Fariña regresa a Galicia logo dun ano e medio de representacións por toda España. Desde hoxe xa están á venda as entradas para a Xira Galega que terá lugar esta primavera.
Fariña regresa esta primavera logo dun exitoso ano e medio fóra de Galicia. O espectáculo dirixido por Tito Asorey leva xirando por toda España nunha xira que arrincou o pasado mes de agosto no Teatro Jovellanos de Xixón. Anteriormente, Madrid acolleu sete meses de representacións en Matadero e no Teatro Cofidis Alcázar. Fariña arrincou este 2022 no Teatro Calderón de Valladolid e esta semana estará en Málaga, no Teatro Cervantes.
O 12 de marzo, o Auditorio de Galicia, en Santiago de Compostela, será a primeira parada da obra baseada no libro de Nacho Carretero. O elenco formado por Xosé A. Touriñán, Sergio Zearreta, César Goldi, Marta Lado e Graciela Carlos estará ata o 28 de maio por terras galegas. A Coruña, Pontevedra, Vilagarcía de Arousa, Lugo, Ourense, Vigo, Ferrol e Cangas serán as próximas paradas.
As entradas para todas as datas están dispoñibles na web de Fariña e en Ataquilla.com
NOTICIAS RELACIONADAS
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.