Pepo Suevos, no reparto de ‘Fariña’
O actor ferrolán interpretará a un experto piloto de planeadoras da ría de Arousa na nova serie de Bambú Producciones para Atresmedia, que comeza a súa rodaxe este mes de xuño en Galicia.
Di Stefano será o seu nome na serie, que Antena 3 estreará a próxima temporada, e na que participan outros tantos actores galegos como Xosé A. Touriñán, Antonio Durán Morris, Tamar Novas ou Carlos Blanco entre outros.
Fariña súmase ao amplo currículo de Pepo Suevos, logo de ter participado en diferentes proxectos tanto dentro como fóra de Galicia. A súa última aparición na televisión de ámbito nacional foi na serie Aquí paz y después gloria, protagonizada por Antonio Resines.
NOTICIAS RELACIONADAS
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.
A xira de ‘Moi Animal’ continúa colgando o cartel de esgotado
A nova proposta de Xosé A. Touriñán estará este venres 30 de outubro no Auditorio Municipal de Ourense, con dous pases, ás 20.30 e ás 23.00 h. A resposta do público continúa acompañando a xira, que xa ten varias funcións completas nas próximas semanas.