Evaristo Calvo estréase co Barrantes en Compostela

O personaxe da serie da Televisión de Galicia, Casa Manola, salta da pequena pantalla aos escenarios co seu primeiro espectáculo, Tempos do Xestal, no que fará un percorrido polas súas experiencias anos atrás e polos costumes deste novo milenio. A cita, no Dado Dadá, este venres ás 22.30.

Barrantes non é un bo exemplo para ninguén. Se o fose non sería tan divertido… Ti fai o que eu che digha e non faghas o que eu fagho. Este é o seu consello recorrente. Despois de velo en escea ninguén deixará de darlle a razón, e a primeira ocasión para facelo será este venres, no Dado Dadá de Compostela, a partir das 22.30 horas.

Evaristo Calvo volve en solitario aos escenarios cun monólogo na pel do Barrantes, o popular personaxe de Casa Manola, a serie da Televisión de Galicia. Tempos do Xestal é o título dun espectáculo no que fará unha curiosa comparación entre as súas experiencias nos anos 70 e 80 cos costumes actuais. As redes sociais, a moda, o botellón, a televisión e outros aspectos da sociedade actual non deixarán de ser analizados por este home do século pasado. Entre grolo e grolo e entre gargallada e gargallada debullará o pasado e o presente coa súa singular filosofía.

O espectáculo, que distribuirá Ainé Producións, iniciará este venres un camiño que levará a Evaristo Calvo polos escenarios de media Galicia para que ninguén sexa alleo ao particular xeito do Barrantes de entender