Os Tristes volven aos escenarios polo Castelo Conta
Un ano despois da súa estelar (e eterna) actuación nas festas de Castelo, Os Tristes estarán de novo no pobo de Touriñán cun concerto que pechará o programa do Castelo Conta o sábado 26 de agosto.
Falar de Os Tristes é falar da mellor música de onte, de hoxe e de sempre. Dos grandes éxitos das verbenas e as sesións vermú interpretados dun xeito maxistral por un dúo que pouco tempo ten para descansar durante o periodo estival polas súas innumerables actuacións nas parroquias e lugares de todo o país.
Para os que bailan desatados con El Polvorete e os grandes éxitos de Pimpinela, unha ocasión extraordinaria para gozar coma nunca é o 26 de agosto en Castelo.
Como peche das actividades da programación do Castelo Conta, o dúo cómico formado por Marcos Pereiro e Federico Pérez subirán ao seu renovado escenario ante o seu público máis fiel para deixar ben claro que nin a chegada do outono debera deixalos fóra da programación das festas en ningún lugar de Galicia.
O seu concerto, previsto para o remate dos monólogos, constará de dous pases, intercalados cos do grupo Los Claretes. Un fin de festa imprescindible.
NOTICIAS RELACIONADAS
Lamatumbá gaña o Premio Martín Códax da Música na categoría de Orquestras, Grupos e Música de Verbena
A banda ourensá vén de ser recoñecida na XIII edición dos Premios Martín Códax da Música, nun momento marcado polo regreso aos escenarios coa proposta ‘LAMATUMBÁ… E XA ESTÁ!’.
‘Amoriños’ despídese na Coruña cunha intensa fin de semana de seis funcións
O espectáculo de Xosé A. Touriñán e David Perdomo chega ao seu gran peche de xira no Teatro Colón. Entre o 5 e o 7 de xuño ofrecerán seis funcións, das que só queda dispoñibilidade para a derradeira sesión do domingo ás 20.30.
‘Amoriños’ encara a súa recta final cunha intensa fin de semana en Pontevedra
O espectáculo de Touriñán e Perdomo entra no último tramo da súa xira de primavera tras máis de dous meses de funcións por Galicia.