Marcos Pereiro, Isi e Federico Pérez, protagonistas da gala Arnoia con Humor
Este espectáculo inédito pechará o próximo domingo a XXXVIII Festa do Pemento, que desde o venres se celebrará no recinto da Queixeira da localidade ourensá. A entrada será de balde, e no mesmo lugar do espectáculo será posible degustar pementos da Denominación de Orixe cociñados de moi diversos xeitos.
Empanada de pementos, pementos fritidos e asados, tortilla e ata xeado de pementos. Quen non os probe non ten demasiadas alternativas nesta festa que a localidade ourensá de Arnoia celebra a primeira fin de semana do mes de agosto. Tres días nos que milleiros de persoas visitan o recinto da Queixeira para degustar todo un manxar que conta incluso con Denominación de Orixe propia.
Aos actos e actividades que habitualmente rodean a parte gastronómica da festa súmase desta volta un espectáculo inédito que terá o humor como protagonista: tres dos cómicos máis coñecidos de Galicia xuntaranse o domingo, a partir das 22.30 horas, na primeira edición dunha gala bautizada co nome de ‘Arnoia con Humor’, que durante dúas horas provocarán as gargalladas do público.
O acceso será libre e de balde, e os asistentes poderán, no mesmo recinto, probar as diferentes elaboracións dos pementos de Arnoia e acompañalos doutro dos grandes protagonistas da festa: o Ribeiro.
Luis Zahera abrirá a festa o venres
Con humor rematará a festa o domingo, e con humor comezará a festa o venres. O actor Luis Zahera será o encargado de ler o pregón co que se dará por inaugurada a trixésimo oitava edición desta imprescindible cita.
NOTICIAS RELACIONADAS
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.
‘Moi Animal’, o novo monólogo de Touriñán, suma novas funcións á súa primeira xira
O novo monólogo de Xosé A. Touriñán esgota localidades en Cee e Santiago e amplía funcións na Coruña, Vilagarcía, Vigo e Pontevedra. A xira, que comezará en outubro, continúa medrando antes da súa chegada aos escenarios galegos.
Chega ‘A Lacena Pequena’, un novo proxecto cultural itinerante
Ainé e E-ló Arquitectura poñen en marcha unha proposta que combina música, artes escénicas, gastronomía e patrimonio a través dunha singular infraestrutura.