O metro, de novo en marcha
Get Back, o espectáculo teatral de Camilo Franco e Diego Ameixeiras dirixido por Jorge Coira, segue o seu percorrido polos teatros das grandes cidades galegas con Federico Pérez a bordo. Logo de tres funcións en Compostela esta fin de semana, a próxima parada será no Rosalía de Castro da Coruña.
Un vagón do metro de Londres con só cinco pasaxeiros, cada un deles coa súa vida e as súas circunstancias… Todo o que pasa desde ese momento ten máis que ver coa psicoloxía, con como cada mente responde diante dunha situación que non agarda.
‘Get back to where you once belonged’, cantaban The Beatles. E o popular tema da banda británica serve para introducir ao espectador nese vagón, no que Federico Pérez, Miguel Guido, Tamara Canosa, Alfonso Agra e Mercedes Castro son os encargados de encarnar aos cinco protagonistas desta obra, idea de Camilo Franco, escrita por Diego Ameixeiras e dirixida por Jorge Coira.
Logo de representarse nos últimos meses do pasado ano en Vigo, Narón, As Pontes, Pontevedra e Ourense, ven de estar durante tres días no cartel do Teatro Principal de Compostela. A próxima semana visitará o Rosalía de Castro da Coruña, para seguir a súa xira en Noia, Lugo e Bertamiráns.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.