Touriñán, no ‘En Xogo’: “Quero que pase o Celta”
O actor e humorista cullerdense acompañou aos colaboradores habituais do coñecido programa deportivo da Televisión de Galicia para comentar a actualidade da xornada futbolística.
Ao outro lado da pantalla, pero nun plató ben diferente. Touriñán cambiou o pasado domingo de decorados para sentar na mesa do ‘En Xogo’. Todo grazas a un reto, lanzado por Carlos García Verdugo, diante do que o actor cullerdense non o dubidou.
No programa, Touriñán sentou ao carón dos colaboradores habituais do coñecido programa da TVG para achegar o seu punto de vista (como recoñecido deportivista) na análise da actualidade da xornada.
Houbo tamén tempo para un entretido test sobre algunhas imaxes de encontros da Segunda B e a Terceira, coñecidas polos espectadores do ‘En Xogo’, ao que o cómico cullerdense contestou con bastante acerto.
E tamén algunha sorpresa… O porteiro do Celta, Sergio Álvarez, gravou un vídeo preguntándolle a Touriñán sobre quen preferiría que gañara o mércores, no partido de Copa que enfronta ao equipo vigués contra o Real Madrid. “Que pase o Celta”, contestou sen dubidalo.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.