“Imposible sen ti”, opta ao Premio Mestre Mateo logo dun novo reconto
Un erro notarial no reconto de votos para a elección dos finalistas da XIV edición dos Premios Mestre Mateo, alterou os resultados anunciados pola Academia Galega do Audiovisual o pasado luns. O engano afecta a catorce nominados en trece das candidaturas.
Entre as categorías modificadas, está a de anuncio publicitario, onde “Imposible sen ti”, de Tex45 producións e Ainé producións, entra a formar parte das candidaturas.
Ainé, nas novidades
‘Imposible sen ti’ foi a mensaxe da campaña institucional que o Deportivo, Celta e a Xunta de Galicia levaron a cabo a finais de 2015 para pedir concordia e bo ambiente nun dos derbis galegos.
O spot, realizado por Tex45 producións en colaboración con Ainé producións, recolle o momento no que unha familia, con seareiros celestes e deportivistas, se xunta para ver o partido na casa do avó que, con voz en off, explica: “Din que nos levamos coma cans e gatos… Pois non! Levámonos moito peor. Pero dígoche unha cousa: que non nos falten nunca… Porque de todos os partidos do mundo, este é o noso partido!”.
Os gañadores daranse a coñecer na gala que terá lugar o próximo sábado 23 de abril no Pazo da Ópera da Coruña.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.