Celta e Depor, unidos pola doazón de sangue
Como xa fixeran na primeira volta da Liga e co inminente derbi galego como telón de fondo, Deportivo e Celta únense nunha nova versión do spot publicitario “Imposible sen ti”, no que amosan o seu apoio ao Centro de Transfusión de Galicia.
O vídeo, que demostra unha vez máis a boa relación entre ambas entidades, trata de transmitir a seguinte mensaxe: “Estes homes e mulleres teñen moito en común: pasión polo fútbol e pola vida. Percorren milleiros de quilómetros para animar aos seus equipos, son capaces de facer o imposible. Este partido xogámolo xuntos. Galicia precisa cada día 500 doazóns de sangue. Imposible sen ti. Doa sangue”.
Ainé, na produción
Este novo espazo publicitario conta cos rostros de distintos afeccionados que alternan as cores dos dous grandes equipos galegos. Iago Aspas e Pedro Mosquera son, así mesmo, as facianas coñecidas do anuncio, no que o equipo de Ainé se encargou das tarefas de produción.
NOTICIAS RELACIONADAS
‘A Lacena Pequena’ chega a Portas cunha xornada adicada aos oficios, a poesía e a música
A Fábrica da Azucreira acollerá este sábado unha programación con demostracións de cestería, costura e tornería, un recital poético e un concerto da banda infantil da Escola de Música de Portas.
Ainé súmase á WordCamp Galicia 2026 como patrocinadora bronce
A produtora súmase á WordCamp Galicia, que se celebrará na Coruña do 16 ao 18 de outubro. Unha colaboración vinculada ao uso de WordPress nas webs de Ainé e os seus espectáculos.
Touriñán comeza a xira de ‘Moi Animal’ este venres en Cee
Cee esgota as entradas para o debut do espectáculo e Pontevedra fai o propio coa función do sábado. Para o domingo quedan as últimas localidades dispoñibles.