Fede e Imposible sen ti, a polos Mestre Mateo
O sector audiovisual galego está de celebración esta fin de semana, xa que a gala dos Premios Mestre Mateo -organizada pola Academia Galega do Audiovisual- celebra mañá a súa décimo cuarta edición. Estes galardóns premian o mellor da produción audiovisual do país.
Fede e Imposible sen ti, finalistas
O actor Federico Pérez figura entre os finalistas á mellor interpretación masculina polo seu papel en Era Visto!, comedia familiar da Televisión de Galicia na que prima o humor verbal dos personaxes e que recentemente vén de estrear novos capítulos.
Pola súa parte, Imposible sen ti, de Text45 producións e Ainé producións, opta ao premio ao mellor spot publicitario. Esta foi a mensaxe da campaña institucional que Deportivo, Celta e Xunta de Galicia levaron a cabo a finais de 2015 para pedir concordia e bo ambiente nun dos derbis galegos.
Os gañadores saberémolos na gala de mañá, que reunirá á maioría dos profesionais do audiovisual de Galicia no Pazo da Ópera da Coruña e que estará conducida pola xornalista Marga Pazos e o humorista Xosé Antonio Touriñán.
NOTICIAS RELACIONADAS
Touriñán comeza a xira de ‘Moi Animal’ este venres en Cee
Cee esgota as entradas para o debut do espectáculo e Pontevedra fai o propio coa función do sábado. Para o domingo quedan as últimas localidades dispoñibles.
Ainé estrea unha aplicación móbil para achegar a súa actividade ao público
A ferramenta reúne nun mesmo espazo a programación de espectáculos, as opcións de compra de entradas, as últimas noticias e os contidos audiovisuais da produtora. Está dispoñible de balde para dispositivos iOS e Android.
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.