Agora en serio

Xosé A. Touriñán e Marcos Pereiro celebran con este espectáculo o seu quince aniversario como dúo cómico e unha traxectoria de creación de personaxes que, desde os escenarios e a pequena pantalla, foron quen de entrar no imaxinario colectivo de todo un país: dúas irmás dispostas a contar todas e cada unha das anécdotas da súa aldea, un par de cociñeiros con formas moi diferentes de entender o seu oficio, ou dous amigos que pasaron moito, moito tempo xuntos nos últimos anos… Todos eles son os protagonistas dun espectáculo inédito no que “os dous de sempre” pretenden facer un singular percorrido por quince anos de humor.