‘Corentena’ chega a Vilalba e O Grove con todas as entradas esgotadas
O espectáculo de Xosé A. Touriñán e David Perdomo encherá os catro pases das dúas localidades
'Corentena' suma con Vilalba e O Grove catro novos pases cheos na súa xira por teatros e auditorios. Foto: Aigi Boga
Os cómicos Xosé A. Touriñán e David Perdomo volverán colgar o cartel de non hai entradas co seu espectáculo ‘Corentena’. O seu show único encherá os dous pases do 26 de xaneiro en Vilalba (Auditorio Carmen Estévez) e os outros dous que farán o 27 de xaneiro no Grove (Auditorio Municipal).
Desta forma continúan cunha xira que non deixou de encher teatros e auditorios desde o seu inicio, tal e como proba a última data en Noia, onde tamén esgotaron entradas o pasado 13 de xaneiro. Logo de pasar polo concello vilalbés e mais o grovense, Touriñán e Perdomo chegarán á Casa Cultura de Burela o próximo 3 de febreiro para unha función que está a piques de esgotar entradas. O mes de febreiro complétase con outras dúas datas: o 17 e 18 de febreiro en Ponteareas (Auditorio Reveriano Soutullo).
Podes comprar as entradas e consultar outras datas en corentena.gal e na páxina web de Ataquilla.
Un espectáculo nacido no confinamento
Touriñán e Perdomo recuperaron en ‘Corentena’ aquelas conversas a través de Instagram que tanta atención concentraron no confinamento. Agora levan aqueles personaxes e ocorrencias aos escenarios aproveitando unha capacidade de improvisación única. Os dous cómicos tiran de habilidade para facer que cada función sexa distinta e, por tanto, irrepetible para o público.
NOTICIAS RELACIONADAS
‘Aquí Tou!’ regresa ás táboas cunha función especial da man de Touriñán
O monólogo máis persoal do humorista volverá ao Porriño o 26 de setembro cunha función que ten como obxectivo apoiar á Rondalla que participou na película Rondallas.
‘Moi Animal’, o novo monólogo de Touriñán, suma novas funcións á súa primeira xira
O novo monólogo de Xosé A. Touriñán esgota localidades en Cee e Santiago e amplía funcións na Coruña, Vilagarcía, Vigo e Pontevedra. A xira, que comezará en outubro, continúa medrando antes da súa chegada aos escenarios galegos.
Chega ‘A Lacena Pequena’, un novo proxecto cultural itinerante
Ainé e E-ló Arquitectura poñen en marcha unha proposta que combina música, artes escénicas, gastronomía e patrimonio a través dunha singular infraestrutura.