‘Continente María’ estará na Mostra Internacional de Teatro Cómico e Festivo de Cangas
Continente María estará no Morrazo o vindeiro venres, 8 de xullo, na celebración da 39ª edición da Mostra Internacional de Teatro Cómico e Festivo de Cangas (MITCFC). A representación comezará ás 22.30 horas, no Auditorio Municipal, e as entradas xa están dispoñibles na web continentemaria.aine.gal

Vadim Yuchnevich e Melania Cruz nunha escena de Continente María. Foto: Aigi BogaA peza rende homenaxe a María Casares, a actriz galega de fama internacional e símbolo do republicanismo, con quen Melania Cruz dialoga agora sobre os diferentes escenarios. Continente María ofrece a posibilidade de navegar cara outro tempo e coñecer en profundidade a pegada desta grande artista, somerxendo á audiencia nunha emotiva viaxe a través da súa vida.
Esta é a terceira localidade que visita a obra tras estrearse na Coruña, cidade natal de María Casares cun cheo absoluto e despois de pasar dúas semanas en Santiago de Compostela. A montaxe, que dende a estrea gañou ao público e á crítica, conta cun equipo artístico internacional, pois a Tito Asorey e a Melania Cruz sumáronse a dramaturga uruguaia Marianella Morena, autora do texto, e o músico bielorruso Vadim Yukhnevich, encargado da música en directo.
Do proceso de documentación e creación de Continente María colaborou María Lopo, doutora en Literatura Francesa e especialista na figura da emblemática actriz. Esta profesora tamén tomará parte da programación da MITCFC, impartindo a conferencia María Casares. A patria do teatro no día posterior á representación da obra.
María Casares non goza na súa terra natal do recoñecemento que gañou no exilio en Francia, achegarnos á súa figura e reivindicala é unha tarefa pendente que temos como sociedade e que debemos facer en todos os ámbitos, pero especialmente sobre as táboas.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


