Comezamos o ano nos teatros!
Touriñán e Perdomo retoman a xira de 'Corentena' logo do parón do Nadal. O espectáculo continúa esgotando as entradas alí por onde pasa.
David Perdomo e Touriñán pásano en grande en 'Corentena'. Foto: Aigi Boga
Acabaron xa as festas e as farturas, pero para rir sempre queda un oco. Unha enchente de risa é o que ofrecen Touriñán e Perdomo en ‘Corentena‘. Os dous cómicos continúan o seu percorrido polos teatros galegos nunha xira que desde que arrincou non deixa de encher teatros e auditorios. De feito, non quedan entradas desde fai semanas para a primeira data do ano. O Liceo de Noia estará cheo nas dúas funcións deste sábado 13 de xaneiro, ás 20.30 e ás 23.00 horas.
En ‘Corentena‘ Touri e Perdomo traen de volta as historias que naceron no confinamento, propoñendo diferentes situacións e xogando coa improvisación, a actualidade, as rutinas e levando sempre un pouco máis lonxe as extravagancias de Paco, Javi, Eduardo, as xubiladas e o feixe de personaxes que tanto nos acompañaron nas nosas casas.
Este mes, ‘Corentena’ pasará tamén por Vilalba e O Grove, coas entradas a piques de esgotarse para as funcións do 26 e 27 de xaneiro. En febreiro o espectáculo viaxará a Burela e Ponteareas. Podes consultar todas as datas e facerte coas entradas en corentena.gal e na páxina web de Ataquilla.
NOTICIAS RELACIONADAS
Lamatumbá, finalista nos XIII Premios Martín Códax da Música
A banda ourensá opta ao galardón na categoría de Orquestras, Grupos e Música de Verbena, reafirmando o seu lugar como un dos grandes referentes da festa e da música popular galega.
‘Amoriños’ chega a Cee e Vigo con cheos absolutos e suma novas funcións en Pontevedra e A Coruña
A xira de ‘Amoriños’, continúa esta fin de semana en Cee e Vigo, con case todas as entradas esgotadas. O espectáculo amplía ademais o seu percorrido con novas datas en Pontevedra e unha quinta función no peche da Coruña.
Xosé A. Touriñán súmase a ‘Chisteria Colectiva’, unha das grandes apostas do EMHU 2026
O humorista participa no espectáculo colectivo xunto a outros grandes nomes da comedia estatal, unha estrea absoluta no marco do encontro que xa colgou o cartel de entradas esgotadas para as súas dúas funcións en Palexco.