Xa está en liña o primeiro número de ‘Táboas’
Presentamos o primeiro número da revista Táboas, na que imos dando conta dos nosos traballos e do que está por vir. Coa mirada dende as táboas ao público e coa colaboración de amigos e compañeiras.

No pasado mes fixemos a presentación do primeiro número de Táboas no Culturgal. Unha tirada limitada nunha edición moi coidada que levamos tamén a Mercartes, a feira de artes escénicas máis importante da Península. Poñémola agora para a súa consulta en liña e libre descarga na nosa web.
Facer unha revista é algo no que levabamos tempo pensando, unha forma de poder contar desde varias voces o noso día a día dende as táboas, con calma e coidando a presentación. Pretendemos que esta revista sirva non só para dar a coñecer os nosos traballos senón tamén para establecer un diálogo continuado no tempo cos profesionais das artes escénicas e co público.
Este primeiro número conta con colaboracións de Nacho Carretero, Tito Asorey e José L. Prieto, ademais dunha extensa entrevista con Xosé A. Touriñán. Avanzamos en exclusiva algunha das obras que poñeremos en marcha nesta primeira parte do 2022 xunto cos seus protagonistas. Tamén botamos a vista atrás para ver todo o camiño que percorreu Fariña e o que lle queda por percorrer.
Podes ler este primeiro número aquí. Agardamos que desfrutes tanto léndoa como nós facéndoa.
NOTICIAS RELACIONADAS
‘Territorio Regueifa’ continúa o percorrido fóra de Galicia con dúas funcións en Asturias
O espectáculo chegará a Xixón e Vegadeo os días 27 e 28 de novembro, respectivamente, nunha nova parada da xira que está levando a improvisación oral galega a outros territorios.
Unha nova etapa para ‘Territorio Regueifa’
O espectáculo de Lupe Blanco, Manolo Maseda e Josinho da Teixeira ofrecerá tres funcións durante esta fin de semana en Barakaldo e Laudio. Será a primeira vez que a proposta saia de Galicia desde a súa estrea en febreiro.
Zaragoza, a próxima parada do humor de Touriñán
O humorista actuará este sábado no Teatro de las Esquinas, nun percorrido que o levará de novo a Madrid en novembro. A xira continuará en 2027 con novas funcións en Madrid, Valencia, Santander e León.


