Ainé estrea novas oficinas na Coruña
O equipo da produtora traballa desde comezos deste ano nunha nova sede na rúa María Puga Cerdido, no barrio de Matogrande, deseñada polo arquitecto César García Piñeiro, do estudio ELÓ? e director da Mostra de Arquitectura Rural MARCO, en Vedra.
Sala de reunións no segundo andar das novas instalacións. Fotografía: Aigi Boga.
Ainé e Undodez estrean novas instalacións no barrio coruñés de Matogrande. Desde comezos deste ano o equipo das produtoras concentra a súa actividade nunhas novas oficinas de dúas prantas no número cinco de María Puga Cerdido, a pé de rúa, onde desenvolven o traballo diario as áreas de administración, contidos, comunicación e parte do equipo de produción.
O estudio ELÓ?, dirixido polo arquitecto César García Piñeiro, tamén responsable da Mostra de Arquitectura Rural MARCO, é o autor dun proxecto de reforma no que traballaron desde o pasado outono diferentes empresas locais: a carpintería Alfonso García González, Cristalería Bello (carpintería metálica e cristais), Iván Mira (albanelería), Aplidec2003 (pintura e aplicacións), Clifrimen (climatización), Sagova (electricidade) e Mástil (rotulación).
As novas instalacións contan cun espazo aberto con doce postos de traballo na planta baixa, e de dúas salas de de reunións e traballo na planta superior. O local conta coas medidas máis avanzadadas de eficiencia enerxética, e con luz natural tanto desde a fachada como no interior.
Unha pantalla de 100 pulgadas recolle, ademais, a actualidade relacionada co traballo das produtoras na entrada das oficinas, sumando un novo soporte de comunicación.
A sede principal de Ainé e Undodez compleméntase coas instalacións da produtora no Polígono Industrial de Bergondo, con almacén e oficinas (seis postos de traballo, espazo de reunións e ensaios), onde traballa cada día parte do equipo de produción.
NOTICIAS RELACIONADAS
‘Amoriños’ chega ao Noroeste Estrella Galicia cunha edición especial en Santa Margarida
O espectáculo de Xosé A. Touriñán e David Perdomo formará parte da programación da 39 edición do Festival Noroeste Estrella Galicia cunha función especial o 9 de agosto.
Xosé A. Touriñán incorpórase ao elenco da terceira e última tempada de ‘Clanes’
A serie de Netflix producida por Vaca Films despídese cunha última entrega que volve reunir a Clara Lago e Tamar Novas como protagonistas, xunto a un amplo elenco do que forma parte Xosé A. Touriñán. A tempada final pecha a historia deste universo do narcotráfico en Cambados.
Máis improvisación oral para despois do verán: ‘Territorio Regueifa’ suma tres novas funcións
O espectáculo regresará aos escenarios en outubro e novembro con tres novas funcións xa confirmadas. Entre elas destaca a primeira representación fóra de Galicia, que terá lugar en Barakaldo.