“Presidente”, protagonizada por Federico Pérez, nominada aos Premios de Teatro María Casares
A Asociación de Actores e Actrices de Galicia (AAAG) xa anunciou os nomes dos nomeados aos XX Premios María Casares, a gran festa do teatro galego cuxa gala terá lugar o próximo 30 de marzo no Teatro Rosalía de Castro da Coruña.
A obra “Presidente”, de Teatro do Morcego, e protagonizada, entre outros, polo actor Federico Pérez, acadou un total de 5 nomeacións. Entre elas, a de mellor espectáculo, dirección, actor secundario, actriz secundaria e texto orixinal.
A Fede, ou Josito –que é así como todo o mundo o coñece polo seu papel en Padre Casares- podemos velo presentando cada xoves “Desafío nos Fogóns”, programa da Televisión de Galicia no que o principal obxectivo é a procura do mellor cociñeiro afeccionado das principais vilas galegas. É tamén protagonista do espectáculo cómico Curtis&Teixeiro, co que xira por Galicia neste mes de marzo xunto co seu amigo Xosé Antonio Touriñán.
Pero non só o éxito de Padre Casares fixo deste lingüista e guionista de Mazaricos unha das caras máis imprescindibles do audiovisual de Galicia. No seu currículo están tamén os seus papeis en Era Visto!, en Libro de Familia, O Show dos Tonechos, Mareas Vivas ou Air Galicia, entre outros.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.