Marcos Pereiro, nunha nova edición de Monólogos R
O actor culleredense compartirá cartel con Víctor Grande e Javier Veiga nunha nova xira deste espectáculo de comedia que pasará pola Coruña, Lugo, Ourense e Vigo durante os meses de marzo e abril.
R aposta un ano máis pola mellor canteira actual de monologuistas do país. Marcos Pereiro é unha das caras máis coñecidas no mundo da escea e da televisión galega na última década. Actualmente podemos velo no programa Buscando Ardebullo, onde cada martes acompaña a Xosé Antonio Touriñán e Manolo Pereiro, o seu pai, nunha divertida viaxe por media Galicia na que percorren vilas e aldeas do país para coñecer a forma de vida das súas xentes.
De Nucha a Kevin José, no currículo de Marcos tamén están Tourilandia, A Casa da Conexa, Terra de Miranda, Air Galicia, Supermartes ou Vilamor. Tamén ten interpretado unha chea de personaxes xunto a Touriñán para proxectos televisivos e de comedia, como “Viramos tolos pola tele”, organizado tamén por R.
Nesta ocasión compartirá escenario con Víctor Grande e Javier Veiga, conformando un trío no que as risas estarán aseguradas. As entradas son de balde para os clientes da empresa de telecomunicacións, previa reserva.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.