Federico Pérez, finalista nos Premios Mestre Mateo
A Academia Galega do Audiovisual acaba de dar a coñecer as candidaturas finais aos premios Mestre Mateo, que este ano cumpren a súa décimocuarta edición.
O actor Federico Pérez figura entre os finalistas á mellor interpretación masculina polo seu papel en Era Visto!, comedia familiar da Televisión de Galicia na que prima o humor verbal dos personaxes orixinais do universo rural galego.
A Fede, ou Josito –que é así como todo o mundo o coñece polo seu papel en Padre Casares- podemos velo presentando cada xoves xunto a Xosé Barato “Desafío nos Fogóns”, programa da Televisión de Galicia no que o principal obxectivo é a procura do mellor cociñeiro afeccionado das principais vilas galegas. Este lingüista e guionista de Mazaricos é, así mesmo, protagonista da obra de teatro “Presidente” –nominada aos XX Premios Maria Casares- e do espectáculo cómico Curtis&Teixeiro, co que acaba de pechar xira por Galicia xunto co seu amigo Xosé Antonio Touriñán. Recentemente tamén comezou un novo dúo xunto a Pepo Suevos os venres no Luar.
Os gañadores daranse a coñecer na gala que terá lugar no Pazo da Ópera da Coruña o próximo 23 de abril.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.