‘Fariña’ camiña cara os 65.000 espectadores nesta segunda metade da xira galega.
O espectáculo fai un alto nesta xira tras esgotar as entradas a fin de semana en Ourense. O 14 de maio continúa o seu percorrido por Galicia en Vigo, no Teatro Afundación.
A viaxe de Fariña continúa logo de case dous anos e medio. Polo medio, una inicio espectacular, unha pandemia mundial, unha estadía de preto de 8 meses en cartelera en Madrid e máis de 200 funcións. Nesta nova xira Galega, iniciada no mes de marzo, o espectáculo dirixido por Tito Asorey continúa esgotando entradas na maioría das funcións programadas ata o momento, acumulando máis de 10.000 espectadores neste mes e medio.
Fariña regresou a Galicia con moitas ganas logo de tantos meses xirando por toda a xeografía española. A acollida non puido ser mellor e estamos moi felices de volver ver os teatros e auditorios cheos de xente desfrutando do teatro. Logo de tantos meses, o espectáculo segue sorprendendo e removendo ao espectador na butaca, un espectáculo total que é, por riba de todo, unha festa en escena.
Logo das funcións no Auditorio Municipal de Ourense, Fariña descansa unhas semanas. A vindeira parada será en Vigo, no Teatro Afundación, os días 14 e 15 de maio. Despois, o espectáculo fará parada en Ferrol, o 21 e 22 de maio, e en Cangas o 28 de maio.
NOTICIAS RELACIONADAS
‘A Lacena Pequena’ chega a Triacastela cunha programación arredor do patrimonio e a natureza
A programación inclúe unha exposición de Ana Carballo, unha conferencia do antropólogo Rafael Quintía, unha degustación de produtos locais e actuacións de danza e música tradicional.
‘Territorio Regueifa’ chega hoxe ao Val do Ubra cunha función de balde
O Auditorio Municipal acolle ás 20.30 h unha nova representación do espectáculo, protagonizado por Lupe Blanco, Manolo Maseda e Josinho da Teixeira. A xira continuará en novembro con dúas citas en Barakaldo e Ames.
A Lacena Pequena chega á Rúa cunha xornada arredor da memoria, as festas e o viño
A programación do 3 de outubro percorrerá a historia das celebracións da localidade, a tradición vitivinícola de Valdeorras e a música popular. A xornada contará con conversas, poesía, unha cata de viños e cantos de taberna.