Xosé A. Touriñán leva o seu monólogo ao ciclo de La Espina
O cómico pechará o ciclo de monólogos do local de Gandarío. A cita é o venres 24 de novembro ás 22:45 horas.
Xosé A. Touriñán durante unha actuación. Foto: Aigi Boga
O monólogo de Touriñán completa a programación das noites de humor no Restaurante La Espina de Gandarío. As entradas para a súa actuación este venres esgotáronse ás poucas horas de saír á venda.
O cullerdense será o terceiro e último cómico en pasar polo escenario de La Espina Gandarío, pechando polo de agora o primeiro ciclo de monólogos que organiza o local. A programación do Restaurante La Espina acolleu durante este mes as actuacións de Carlos Blanco e David Perdomo, dúas das grandes figuras do humor galego que animaron as noites do local bergondés.
Touriñán continúa de xira con Corentena
Touriñán xunto con Perdomo continúa xirando polos escenarios galegos con Corentena. No mes de decembro o espectáculo viaxa a Narón, A Coruña e Santiago de Compostela, onde xa só restan unhas poucas entradas para o cheo absoluto. De cara ao ano 2024, Corentena conta con novas datas en Noia, Vilalba, O Grove, Burela e Ponteareas.
NOTICIAS RELACIONADAS
Xosé A. Touriñán recibe o Premio de Honra Manuel Lourenzo de Feteagal
O recoñecemento foi entregado o pasado sábado no Teatro Colón da Coruña, durante a gala dos I Premios Feteagal Manuel Lourenzo do Teatro Amador Galego.
Vedra, Boqueixón, A Rúa, Portas e Triacastela, as cinco paradas do primeiro percorrido de ‘A Lacena Pequena’
A primeira parada do proxecto será en Ponte Ulla, onde a Lacena desenvolverá unha programación cultural durante os días 18 e 19 de setembro. A iniciativa continuará posteriormente por concellos de menos de 5.000 habitantes.
‘A Lacena Pequena’ comeza en Vedra a súa primeira viaxe
O proxecto itinerante impulsado por Ainé e E-ló Arquitectura levará programación cultural a pequenos núcleos de poboación e dará a coñecer mañá en Ponte Ulla as cinco paradas do seu primeiro percorrido.